Wednesday, October 17, 2012

സ്വന്തം

എന്റേതെന്നു എണ്ണിനിറുത്തി
നിങ്ങള്‍ കൂട്ടിലടക്കവേ
നഷ്ടപ്പെടുന്ന ആകാശമാകുന്നു
 എന്റെ സ്നേഹം...

വാതിലുകള്‍ നഷ്ടപ്പെട്ട മുറിയില്‍
ജനലഴികള്‍ക്കിടയിലൂടെ
മുഖത്ത് ചാറി വീഴുന്ന മഴയാകുന്നു
എന്റെ പ്രണയം...

വെയില്‍ പൊള്ളാതിരിക്കാന്‍
കൂടാരങ്ങള്‍ കെട്ടവേ
 മുട്ടി വിളിച്ചു തിരിച്ചു പോകുന്ന കാറ്റാകുന്നു
എന്റെ സ്വപ്നം...

അടക്കിയ ഒരാശ്ലേഷത്തില്‍
കരയെ പൊതിഞ്ഞു
തിരയോടൊപ്പം കടലിലേക്ക്‌ മടങ്ങുന്നു
എന്റെ ഉന്മാദം...
- Year 2003

No comments:

Post a Comment