Wednesday, October 17, 2012

നിഴല്‍ നൃത്തം

ഇപ്പോഴെന്റെ മുന്നിലെ പ്രശ്നം
ഈ ഭ്രാന്തന്‍ നിഴലുകള്‍ക്കിടയില്‍ നിന്ന്
എന്റെ നിഴല്‍ തിരിച്ചറിയുക
എന്നതാകുന്നു...

രൂപം കൊണ്ട് തിരിച്ചറിയുക വയ്യ...
എന്റെ രൂപം കളഞ്ഞു പോയെന്ന്
കണ്ണാടി പറഞ്ഞിരുന്നു...
എത്ര ചുഴിഞ്ഞു നോക്കിയിട്ടും
കാണാനായില്ല പ്രതിബിംബം!

പിണയുന്ന നിഴലുകള്‍ക്കു മുമ്പില്‍
ഞാനിരിപ്പാണ്
അനങ്ങാതെ
നൃത്തം  ചെയ്യുന്ന എന്റെ നിഴലിനെ
തിരിച്ചറിയാനോ
വീണ്ടെടുക്കാനോ
ആവാതെ...
- Year 2002

No comments:

Post a Comment