നാഗദൈവങ്ങളുടെ കാവ് തീണ്ടി
കോലച്ചമയങ്ങളുടെ കാഴ്ച്ചപ്പുറം കടന്നു
ഗന്ധര്വന് വരാതിരിക്കില്ല...
ഉള് പൊട്ടി വിടര്ന്ന കാക്കപ്പൂക്കളുടെ ആത്മാവിലും
അശാന്തിപ്പിറവുകളുടെ കൂട്ട വിലാപത്തിലും
ഇരുള് തേളുകളുടെ വേരുവിട്ട പ്രയാണങ്ങളിലും
അസ്ഥിത്തറകളുടെ നിലക്കാത്ത മന്ത്രണങ്ങളിലും
ഗന്ധര്വന് നിര്ത്താതെ പെയ്യുന്നുണ്ട്...
മഴച്ചിറകുകളുള്ള
കാറ്റിന്റെ സ്പര്ശമുള്ള
രാപ്പൂക്കളുടെ മണമുള്ള
നനഞ്ഞ മണ്ണിന്റെ നിശ്വാസമുള്ള
നക്ഷത്ര കണ്ണുകളുള്ള
ഗന്ധര്വന്............!...... ......
കണ്ണാടിയുടെ മുഖമുള്ള ഒരു പെണ് കാഴ്ചയിലേക്ക്
ഭ്രാന്ത് ചൊരുക്കുന്ന പകല് പിറവുകളിലേക്ക്
ഉറഞ്ഞു കറുത്ത ശാപക്കല്ലുകളുടെ ഉടയാത്ത മൌനത്തിലേക്ക്
ആഴത്തിലുറച്ച വേരുകളുടെ വിഷച്ചൂരിലേക്ക്
ചന്ദന നിറമുള്ള വിരലുകളിലെ നീണ്ട നഖങ്ങള്
ഗന്ധര്വന് ആഞ്ഞിറക്കുന്നുണ്ട്...
വെളിപ്പെടലുകള് അകത്തു ചുര മാന്തുമ്പോള്
കണ്ണാടികള് പേടിപ്പെടുത്തുമ്പോള്
അഴികള്ക്കകത്ത് നിന്ന് ഒരു തൂവലില്ലാ പക്ഷി
ചോരച്ച അനന്തതയിലേക്ക്!
കോലച്ചമയങ്ങളുടെ കാഴ്ച്ചപ്പുറം കടന്നു
ഗന്ധര്വന് വരാതിരിക്കില്ല...
ഉള് പൊട്ടി വിടര്ന്ന കാക്കപ്പൂക്കളുടെ ആത്മാവിലും
അശാന്തിപ്പിറവുകളുടെ കൂട്ട വിലാപത്തിലും
ഇരുള് തേളുകളുടെ വേരുവിട്ട പ്രയാണങ്ങളിലും
അസ്ഥിത്തറകളുടെ നിലക്കാത്ത മന്ത്രണങ്ങളിലും
ഗന്ധര്വന് നിര്ത്താതെ പെയ്യുന്നുണ്ട്...
മഴച്ചിറകുകളുള്ള
കാറ്റിന്റെ സ്പര്ശമുള്ള
രാപ്പൂക്കളുടെ മണമുള്ള
നനഞ്ഞ മണ്ണിന്റെ നിശ്വാസമുള്ള
നക്ഷത്ര കണ്ണുകളുള്ള
ഗന്ധര്വന്............!...... ......
കണ്ണാടിയുടെ മുഖമുള്ള ഒരു പെണ് കാഴ്ചയിലേക്ക്
ഭ്രാന്ത് ചൊരുക്കുന്ന പകല് പിറവുകളിലേക്ക്
ഉറഞ്ഞു കറുത്ത ശാപക്കല്ലുകളുടെ ഉടയാത്ത മൌനത്തിലേക്ക്
ആഴത്തിലുറച്ച വേരുകളുടെ വിഷച്ചൂരിലേക്ക്
ചന്ദന നിറമുള്ള വിരലുകളിലെ നീണ്ട നഖങ്ങള്
ഗന്ധര്വന് ആഞ്ഞിറക്കുന്നുണ്ട്...
വെളിപ്പെടലുകള് അകത്തു ചുര മാന്തുമ്പോള്
കണ്ണാടികള് പേടിപ്പെടുത്തുമ്പോള്
അഴികള്ക്കകത്ത് നിന്ന് ഒരു തൂവലില്ലാ പക്ഷി
ചോരച്ച അനന്തതയിലേക്ക്!
- Year 2003
No comments:
Post a Comment