ഇരുട്ടിനെ കൈപ്പിടിയില് ഒതുക്കിയവര്
സ്വപ്നങ്ങള്ക്ക് വില പേശാറില്ല
പുറത്തെ വെളിച്ചത്തില് അന്ധരാകുമ്പോള്
അവ കവര്ന്നെടുക്കപ്പെട്ടത്
അറിയാതിരിക്കുകയെ ഉള്ളു
കഴുകന് നഖങ്ങളുള്ളവര്
ദൃഷ്ടിപ്പുറത്തു മുഖമെത്തിക്കാറില്ല
കണ്ണുകള് ചൂഴ്ന്ന ശേഷമേ
അവരുടെ നഖങ്ങള്
ആത്മാവോളം വ്യാപിക്കാറുള്ളൂ
ആകാശ വചനങ്ങള്ക്ക്
ചെവി കൊടുക്കാതിരിക്കാനാവില്ല
നിങ്ങളുടെ ചെവികള് അവരുടേത്
ജ്ഞാന ദൈവങ്ങളുടെ കൊലവിളികള്
ഏറ്റു പാടാതിരിക്കാനാവില്ല
നിങ്ങളുടെ നാവുകള് അവരുടേത്
കൈകള് അവരുടേത്
ശ്വാസം അവരുടേത്
തലച്ചോറ് അവരുടേത്
എഴുതുന്ന മഷി അവരുടേത്
ചരിത്രത്തിന്റെ ഭാഷ അവരുടേത്
ഉവ്വ് തലയ്ക്കു മീതെ തന്നെയുണ്ട്
ഡിമോക്ലുസിന്റെ വാള്!
- Year 2002
No comments:
Post a Comment