Wednesday, October 17, 2012

ഞാന്‍ ചോദിച്ചത്

സുഹൃത്തെ
നിന്റെ കാഴ്ചയല്ല ഞാന്‍ ചോദിച്ചത്
എന്റെ കണ്ണുകളെ
ഒളിപ്പിക്കാനൊരിടം
എന്റെ കാഴ്ചകളെ
പൂഴ്ത്താനൊരിടം

നിന്റെ സ്വപ്‌നങ്ങള്‍ ഞാന്‍ കവരില്ല
എന്റെ പെക്കിനാവുകളെ
താങ്ങാനൊരാകാശം തരൂ...
നിന്നെ കണ്ണിലെ ഉപ്പുനീര്‍
എന്റെ ദാഹം തീര്‍ക്കില്ല
കനലുരുക്കാന്‍
എനിക്കിറ്റു മഞ്ഞു തരൂ...

വരണ്ട മണ്ണിന്റെ വന്ധ്യതയില്‍
നിന്റെ സ്നേഹത്തിന്റെ വിത്ത്
ഉയിരറ്റു പോകാതിരിക്കാന്‍
എന്റെ പ്രാണനിലൊഴുക്കാന്‍
ഒരു പുഴ തരൂ...
- Year 2002

2 comments: